14 – ‘O ‘mbriaco

Riguardo ô ttaffiatorio, mm’’a scorcio bona ‘a máneca

e addó se trova ‘agliáneco, truvate sempe a mme!

Menammo tutto a bbuordo fintanto ca se campa:

Dimane, forze, ‘a lampa se putarría stutá…

Quann’è fernuta ll’opera, pezzente o miliunario,

s’à dda calá ‘o sipario e s’à dda arricettá…

Pe cchesto, ‘o servo vuosto Tatonno ‘e Quagliarella,

‘o ccisto ‘int’â garsèlla, nun s’’o ffa maje mancá…

Totonno ‘e Quagliarella di Giovanni Capurro